熱啡中的變幻球！溫度造成的酸、甜、苦獨特平衡

熱啡中的變幻球！溫度造成的酸、甜、苦獨特平衡

飲咖啡喺日常生活中變成每日例行嘅動作

咖啡帶比你嘅風味係咪只有苦味？

如果你只能品嚐到苦味，你可能對自己手上杯咖啡並不認識！

一杯優質嘅咖啡透過不同嘅沖煮及品嚐嘅方法，會帶比你不同嘅味蕾享受

咖啡本身就係極為特別嘅一樣果實

水果特性本身係有酸味

所以當你飲咖啡時品味到有酸味係正常不過嘅事

除咗酸味，咖啡果實同時都會存有果糖-甜味

只不過咖啡豆由生轉成熟時，變成焦糖味（咖啡豆變成褐色嘅原因）

上一篇文章（LInk）我哋都講過唔同嘅濾杯用唔到嘅溫度都會有唔同嘅結果：

高溫水沖煮會香氣高；低溫則甜感比較高，苦味低。

正因如此，所以夏天好多人都鐘情飲Cold Brew

因為甜味明顯，苦味同澀味相對低

到底熱咖啡係咪一定要趁熱飲？

呢個係無一個標準答案！但係肯定哋話一個答案你知

優質嘅咖啡之所以優質係因為佢無論熱飲、較低溫或常溫飲

都會有唔同嘅層次風味帶比你

並唔會凍咗後只剩低苦澀味

以90度水溫沖煮完杯咖啡

大概咖啡液嘅溫度大概85度-87度左右

剛沖好嘅咖啡（85度左右）

由於太熱唔會太能夠飲到咖啡沖煮出黎嘅香氣同風味。

普遍可以分成三個階段去品味唔同溫度下嘅咖啡風味：

75度左右：由於仍高溫嘅液體會排放出熱氣，而呢啲熱氣正正成為咖啡香氣排放嘅最好渠道，可惜亦因為熱力嘅問題，會壓制住脷嘅感官探索，所以未能品味到咖啡標籤所提及嘅風味，或者多是嚐到苦味（但苦味未必太強）。
50-70度：呢個屬於較易出口又唔會「辣口」溫度。香氣會隨溫度下降而逐漸削弱，同時苦味呢刻會可能會較高溫時明顯，或因為其他咖啡風味嘅出現而弱化咗。總體而言，一支咖啡豆要呈現嘅風味，呢個階段溫度，會較適合你品嚐。
40度或下：苦味開始下降，甜味同酸味開始增強。但如果你偏好酸感嘅咖啡，呢個溫度更適合令你品嚐不一樣嘅酸感（例如肯亞豆）

豆本身係水果，酸味係唔會受溫度高低，若覺得酸感因溫度下降而改變，主要係因為豆本身甜感比較強。