沖煮一杯好嘅咖啡，
又或者叫做沖出啱自己心水嘅咖啡，
溫度呢個變數好大程度咁決定咗你杯咖啡沖煮出嚟嘅風味！
市面上其實已經有好多款唔同質料嘅咖啡濾杯
包括：塑膠、陶瓷、玻璃、金屬等等⋯⋯
唔同質料嘅咖啡濾杯喺咖啡大賽中都有被選用
係咖啡師手下沖煮出種種冠軍咖啡
就算自認唔係大師嘅你
都可以偷學返一招半式！
1. 基本步驟要重視
相信唔少新入坑嘅朋友成日都會糾結自己點會每次沖咖啡都出唔到所標嘅風味，
成日去學習不同人嘅沖煮手法，係咪繞圈唔夠？係咪要先中心注水完係再繞圈？
往往維持水溫、暖杯等基本步驟好似被忽略咗或者輕視咗
2. 用不同濾杯要因應其缺點去改善
當你了解咗自己沖煮嘅豆種及選用沖煮嘅手法時，你有因應你選用嘅咖啡濾杯缺點而作出調整嗎？陶瓷濾杯喺注水後最快吸收熱能，相反塑膠同埋玻璃因為不導熱，明顯比陶瓷濾杯杯內溫度較低。
雖然只係相差2-5度左右，但溫度一定程度上會影響到，頭30秒悶蒸嘅過程同時亦係決定左一杯咖啡風味重要一環（高溫令香氣明顯/低溫影響萃取而澀）。淺焙豆維持用較高溫（建議90度或有人用超過90度）去激發豆重嘅特色風味，而深焙豆則可以低於90度（建議88度）已經足夠。
|
用90度水 （沒有進行暖杯過程） |
塑膠濾杯 |
陶瓷濾杯 |
玻璃濾杯 |
|
首5秒-注水後溫度 |
～73度 |
～75度 |
～69度 |
|
沖畢後溫度 |
～89度 |
～89度 |
～89度 |
*數據只供參考，不同室溫或環境因素都會影響數據
建議想激發咖啡更多香氣或減低咖啡萃取低嘅情況，可考慮沖煮前先對濾杯或咖啡杯進行暖杯。今次無呢方面嘅資料，但絕對相信暖杯呢個動作可以令濾杯維持係較高溫嘅水平，係正式沖煮時可以令溫差降低令咖啡萃取過程更順利！
僅記！
咖啡沖煮存在不同嘅流派，不同沖煮流派都有自己鐘意或認為某啲濾杯係最能沖煮到好嘅咖啡。
飲/品味咖啡，小編認為係一樣好主觀嘅事。
無絕對正確嘅沖煮方法，只有啱自己嘅手法，
”心水咖啡”係開啟新一天嘅重要一環！
本店內有V60 及梯形濾杯濾紙，想望下可以撳👉🏻傳送點
