WhatsApp 線上客服
無論係鍾意落CoffeShop嘆啡
定係喺屋企密密磨密密飲嘅重度咖啡痴友
一定一定一定成日都會見到 日曬 同 水洗
呢兩種常用咖啡豆處理法
到底飲落口又有咩分別先？！
今日就嚟講下～
首先你需要知道 咖啡豆並唔係一生出嚟就係咁樣
有豆你就知道其實佢係嚟自果實
咖啡果實同有少少似車厘子
不過就細粒幾倍同窄身啲
你想像下就剛剛好包住兩粒咖啡豆嘅大細
有啲果實有兩粒豆拍埋 有啲只有一粒
果農收割咗果實之後
就要經過處理先可以變成生豆
果皮->果肉->內果皮->銀皮->最後先到種子(即係豆)
如果唔妥善咁處理
果肉變酸就會影響豆嘅風味
所以去除果皮、果肉、內果皮
一啲都唔可以求其
常見嘅處理法就係日曬 同 水洗
前者比較適合乾燥氣候嘅地區
後者就需要水源充足
日曬利用陽光曬乾果實 經過2-4週後就可以去除外層
水洗則先用機器去走果肉同果皮
再使用發酵菌去除果膠 仔細沖洗過後再烘乾
再放入機器去果皮同銀皮
步驟雖然比較多 但對比日曬要靠天然陽光＋人手翻豆2-4週
相對係比較容易同快
咁呢兩種處理方式又會得出咩風味上嘅分別呢？
日曬豆比較會保留果實酸甜感
相對醇厚 風味層次比較豐富
亦容易帶有酒香
而水洗由於能夠好好控制過程
相對能夠集中突顯豆嘅原味 感覺會比較Sharp
其實兩種處理法都可以製作出好優質嘅豆
跟住影響風味就要靠烘焙度同沖煮方式
每一個步驟都可以好影響咖啡風味
下次再飲啡就知道點解同一樣嘅產地
點解可以有截然不同嘅風味喇！
#咖啡豆處理法 #日曬 #水洗
