精品咖啡豆 貴得有道理？！[VS 廉價咖啡豆]

相信好多飲開咖啡嘅朋友

都有買過S牌或P牌連鎖咖啡店出售嘅咖啡豆

點解人地只係幾十蚊就有一包，精品咖啡店就要二百幾蚊？！

飲咖啡都要知豆價！今日就同大家講下佢哋嘅不同之處！

 

商業咖啡豆用量制價的採購方式收購咖啡 （重量不重質）

連鎖品牌咖啡店採購大量而且平嘅豆

先能夠應付客人需求同時提高商場競爭力

因此不太重視豆種嘅風味或來自的莊園質素（即使同樣係哥倫比亞豆，都可以滙聚不同莊園嘅豆）

令咖啡豆嘅品質好參差

就算係未成熟嘅咖啡果實、已成熟果實及過於成熟嘅果實，皆會混合售賣

//

果實小知識～

未成熟果實：因未有足夠時間去吸收養分成長至成熟，同樣會好似其他未成熟嘅水果咁唔夠甜，又或者過酸。（烘焙後淺黃色）

已成熟果實：果香及果酸明顯，糖度也因營養足夠而較甜

過於成熟嘅果實： 熟透嘅果實內嘅相關糖嘅物質產生轉化及發酵，又或者已自行跌落地面沾染到地面嘅泥土，整體風味會唔夠乾淨，感覺總有D雜質影響口感

//

為解決呢種品質不佳又參差嘅咖啡豆，通常會用深烘焙方式烘製

嘗試借用焦香嘅味道或煙熏味遮蓋住不良嘅風味

 

精品咖啡豆用風味制價的採購方式收購咖啡（重質不重量）

精品咖啡店會自行決定風味的要求/要求咖啡豆品質嘅分數

不同嘅風味或品質分數存在不同嘅價格等級（藍標/紅標/競賽批次）

價錢比較大概1比5～10倍採購價E.G 商業咖啡豆1kg ～$50 VS 精品咖啡豆 1kg ～$250或以上

精品咖啡通常會比好清楚嘅出世紙，包括國家、省份、莊園名或豆批次

越清楚咖啡豆嘅來源豆，就更容易掌握自己喜歡嘅風味來源與品質

 

	商業咖啡豆（衣索比亞）	精品咖啡豆（衣索比亞）
採購方式	重量不重質	重質不重量
價錢	~$50/kg	~$250/kg
咖啡果實成熟度	未成熟、剛成熟及已熟透	剛成熟
豆產地標示方式	（國家）衣索比亞	（國家）衣索比亞 （省/區份）耶加雪菲 （莊園）杜梅索 貝蒂伯哈努
豆等級/種植海拔	沒有標示	G1 級 種於1850m
烘焙度	深烘焙/極深	淺烘焙為主
風味描述	沒有或者極簡單（果香/甜酸感平衡）	穩重的白葡萄香氣 質地乾淨紅茶風味 餘韻帶有養樂多似的酸甜感

 

所以成日話平嘢無好 好嘢唔平

下次再見到咖啡豆 睇清楚來源 咁就買得放心又精明喇！

 

識飲同埋想對自己身體好啲嘅啡友

可以了解下我哋嘅八幡日式職人掛耳咖啡

嘗試下優質咖啡帶比你味覺及嗅覺嘅衝擊，傳送點👉🏻 Link