相信好多人喺Coffee Shop買咖啡豆
都發現大部分包裝袋都有個圓碌碌嘅膠塞
我哋稱之為單氣閥嘅豆袋
目的係可以限制袋內氣體排走嘅速度
又唔會被外界嘅氧氣進入而破壞內在新鮮度
好多人講：「 識飲咖啡一定係現磨好。」
呢句說話雖然都啱 試諗下有頭髮邊個想做癩痢？！
但唔係每個人都可以帶手沖杯返公司沖杯靚咖啡
掛耳包嘅保鮮喺呢個時候就非常重要
錯誤嘅選擇會令到掛耳包內嘅咖啡風味散失！
喺合適包裝（充氮）下掛耳包
大約可以保留7成咖啡風味
否則咖啡不但失去香氣，且會變得苦澀
小補充：
咖啡豆一旦被研磨後
咖啡豆內嘅芳香物質（籠統稱呼）
會因多於一個表面而大量釋出
如果此刻沒有盡快沖泡
咖啡原有嘅風味就會因香氣散失而失色。
掛耳包同樣有類似情況發生
會有部分香氣散失
但只要掛耳包能夠及時進行充氮包裝
就可以大大減低香氣流失嘅問題
若果你嘅掛耳包無用充氮包裝
而又無係短時間內飲完
你杯咖啡就可能不及新鮮時咁香濃順口喇～
充氮包裝如何延長咖啡風味呢？
一般而言，掛耳包能擺放嘅時間
|
|
沒有充氮/脫氧包裝 |
放脫氧劑 |
充氮包裝 |
|
擺放限期 |
～7天內飲完 |
～4-6個月 |
一年至年半 |
咖啡豆烘焙完成後
二氧化碳夾埋帶住咖啡嘅香味會持續揮發
豆表面同時有油脂產生及含水量剩～5%
好容易同空氣嘅濕氣同氧氣產生反應
而使咖啡因氧化或受潮而變質（咖啡會變苦澀）
氮氣本身屬於惰性氣體無毒無害
作用可以令咖啡難令氧氣直接產生反應受氧化（類似冬眠狀態）
根據好多實驗結果
有充氮嘅食物（不單指咖啡）
喺風味保存上優勝於未充氮嘅食物
如果不充氮，都要揀擺咗脫氧劑（原理相近）
脫氧劑示意圖(圖取自：小嵩無氧化學股份有限公司)
明白到香港人生活忙碌，但又需要飲咖啡提提神。
無時間飲現磨，唔好退而其次委屈自己飲即溶！
有得揀，你先係老闆☕️
現磨定係掛耳咖啡我相信你識揀
香港人要加油呀！
更多掛耳咖啡產品，有需要可以選購（傳送點）
